Габдулла Тукай

Показаны сообщения с ярлыком ТАМАША. Показать все сообщения
Показаны сообщения с ярлыком ТАМАША. Показать все сообщения

Саха-Якутия йолдызы Степанида Борисова Казан сәхнәсендә


Казанда 30 майдан 3 июнгә кадәр узачак Төрки халыкларның X халыкара “Нәүрүз” театр фестивалемәртәбәле кунагы буларак искиткеч актриса һәм җырчыСтепанида Борисова. Аны дөнья музыкасының йолдызы дип атыйлар.
Степанида Борисова – Россиянең халык артисткасы, үзенә генә хас җырлау рәвеше булган этник җырчы. Ул үз халкының мәдәниятен сәнгатен дөньяга таныта. Ватаны Якутиядә дә, бик күп илләрдә дә аны яхшы беләләр, таныйлар, сәнгатен яраталар.
Борынгыдан килүче башкару традицияләрен Степанида Борисова тамашачыга үзенең сәләте, осталыгын кушып шулкадәр көч блән җиткерә ки, әзерлексез кеше дә аның сихри әйдәвенә ияреп китә. Якутиядә җырчы турында «удаган курдук»җырлый дип әйтәләр, ягъни шаман хатын-кыз кебек. Тавышының тибрәлеше үзенчәлекле гипнотик тәэсиргэ ия. 


Лена Бичарина Татарстанның халык артисты дигән исемгә лаек булды


Шушы көннәрдә танылган җырчы Лена Бичаринага Татарстан Республикасының халык артисты дигән мактаулы исем бирелде. Әлеге уңайдан «Ак барс» яшьләр үзәгендә җырчының  юбилей концерты булып узды.
Лена ханымның 60 яшьлеге уңаеннан оештырылган бәйрәмгә республикабызның, Казанның керәшен оешмалары, иҗатташ дуслары, шулай ук мишәр дуслары: атаклы баянчы Рамил Курамшин, җырчы Рафаэль Ильясов, Ания Туишева, Таис Хөсәеновлар да килгән иде.

Сайрый торган кошлар патшасы

15 февральдә Г.Тукай исемендәге филармониянең концертлар залында татар моңнарының патшасы, бөек җырчыбыз Илһам ага Шакировның туган көненә багышланган бәйрәм кичәсе булып узачак.




Татар моңнарыннан торган кичәгә яраткан җырчыбызның сәхнәдәш дуслары да киләчәк. Алар арасында Салават Фәтхетдинов,Филүс Каһиров, Алина Прокофьева, Руслан Сәйфетдинов һ.б. булачак, дип хәбәр итә филармониянең матбугат үзәге.

ИлҺам Шакиров 1992 елдан бирле Татар Дәүләт филармониясенең сәнгать җитәкчесе булып эшли. Ул - гомере буе халык җырларына, халык моңнарына тугърылыклы хезмәт иткән сирәк затларыбызның берсе. Илһам Шакировның Аллаһыдан бирелгән тавышы борынгы татар көйләренең бар аһәңен һәм бөтен нечкәлекләрен башкаларга җиткерү өчен яратылган. Нәкъ менә халык җырларында милләтнең ачы сагышы да, шатлыгы да салынган бит. Илһам ага үзенең иҗат кыйбласы итеп һәрчак Тукай сүзләрен китерергә ярата:
Көйләү тиеш, әлбәт, ачы хәсрәт көен,
Кирәк түгел мәгънәсе юк көлке-уен...

Җырчы шушы милләт язмышын үз йөрәге аша үткәреп башкаларга түкми-чәчми җиткерә килә. Олы яшьтә булуына да карамастан, сәхнәдә теләсә нинди җырчыны “бәреп егарлык” гайрәте бар әле Илһам абыйның.

И.Шакиров иҗатында халык җәүһәрләре белән бергә, классик (ария, романс) һәм татар композиторлары әсәрләре дә лаеклы урын алып тора.

Интертаттан алынган
Related Posts Plugin for WordPress, Blogger...