"Дакар-2011" раллида җиңүче "КАМАЗ-Мастер" командасы туган шәһәрләре Чаллыга кайтып җитте. Аларны «Бегишево» аэропортында шәһәр мэры Васыйл Шәйхразиев, «КАМАЗ» ачык акционерлык җәмгыяте генераль директоры Сергей Когогин һәм күп сандагы җанатарлары, туганнары тантаналы төстә каршы алды.
"КАМАЗ-Мастер" командасы узышчылары раллида унынчы тапкыр җиңү яуладылар. Владимир Чагин, җиденче тапкыр беренче килеп, «Дакар»да катнашучылар арасында рекорд куйды. Пилотлар Фирдәүс Кәбиров, Эдуард Николаев, Илгизәр Мәрдиев – икенче, өченче, дүртенче урыннарда.
Безнең йөк машиналары тугыз мең ярым чакрым ара узган. 13 этаптан торган маршурт Аргентина һәм Чили җирләре аша үткән.
Чаллыда танылган спортчыларның җиңүләрен түземсезлек белән көтеп алалар.Чираттагы җиңү биредә җитештерелүче камазларның юкка гына дөнья күләмендә иң яхшылардан саналмавын тагын бер кат күрсәтте.
Фотоны ИнтерТатта какарга
