Яр Чаллыдагы “Орион” яшьләр үзәгендә “Балалар лидерлык академиясе” проекты башланып китә. Әлеге проектның төп максаты – балаларда лидерлык күнекмәләрен булдыру һәм аларны әйләнә-тирәдәге кешеләр белән аралашырга өйрәтү. Программа 10-12 яшьлек балаларга юнәлтегән.
1 февральдән башланып китәчәк проект кысаларында төрле тренинглар, коммуникатив уеннар үткәрү, төркемнәрдә эшләүне гамәлгә кертү, сөйләү осталыгы буенча дәресләр үткәрү күздә тотыла. Дәресләрне атнага ике тапкыр психологлар үткәрәчәк. Биредә балаларны үз яшьтәшләре белән аралашырга, төркемдә эшләү, конфликт ситуацияләрдән чыгарга, стресс белән көрәшергә өйрәтәчәкләр, дип хәбәр итә Яр Чаллы шәһәре матбугат үзәге.
Интертаттан алынган
