Сәгатенә 300 чакрым үтүче "Ашыгыч ярдәм"
Машина "күңеле"
Ике ел элек машинамнан уңмадым дип йөри идем. Алдагысы белән бер дә интекмәдем, монысы - җанымны алды: көн саен берәр нәрсәсе бернинди сәбәпсез ватылып тора. Автотөзәтүчеләр аптырыйлар иде, гадәттәгечә, тегесен, я башкасын алыштырырга киңәш итәләр иде. Мин сатып алам, алыштырам, башкасы эшләми башлый. Акчасы ул кадәр күп китми иде анысы, иске частьләр сеңлемнең ире машинасына күчә барды. Кияүнең машинасы күптән чүплеккә китәсе булса да, минем иске "ярамас" частьләр белән көннән-көн "яшәрә" бара, туктап тормыйча чаба бирә, минеке һаман "кәҗәли".
Ничек итеп кенә сүкми идем машинамны. "Күпме мине мыскыл итәчәксең, хайван, - дим. - Беренче көннән башлап җимерелеп кысасымны китерәсең. Иске машинамны калдырган булсам, рәхәтләнеп йөрер идем. Сиңа кызыктым яшьрәк, имеш. Килбәтсез!" - диеп көпчәгенә дә тибеп алам тегенең.
Көннәрдән беркөнне бер таныш кыз белән барабыз, коеп яңгыр ява, юлы да әйбәт түгел. Тотынды "Лада"м "кәҗәләнергә". Светофорга туктыйбыз - кабынмый гына бит, әллә нинди тавышлар чыгара, урынында сикереп ала. Җен ачуларым чыкты, бар белгән сүгенү сүзләрен әйтеп бетердем. Машина бөтенләе белән туктап калды. Борылу рөхсәт ителгән бердәнбер рәттә торам, артымнан чират төзелде, тирә-якны яңгыратып барысы да сигнал төймәсенә баса, мине сүгәләр, ә мин нишлим?
Таныш кыз әйтеп ккуймасынмы: "Ярый әле, ул ишектәге йозакларны җимерми. Юкса эченә дә утыртмас иде, ул бит сине күрә алмый", - ди.
Егылып китә яздым, ул машина турында аны кеше итеп сөйли. "Акылыңа кил, ни сөйлисең", - дим. Ә ул миңа игътибар да итмичә, машинаны руленнән, ишекләреннән сыйпарга тотынды. "Нинди тәти кыз, син шундый матур, син шундый яхшы, бигрәк тә акыллы. Үпкәләмә бу тилегә, бар ир кешеләр дә шундый башсыз бит. Ул сине башка рәнҗетмәс, мин аңа аңлатырмын, оялтырмын, ул синнән гафу үтенер. Барасы бар бит, ярдәм ит инде!" Соңыннан миңа таба борылды да, гафу үтенергә кушты. Мин үзем дә сизми калдым гафу үтенгәнемне. Инде кабыз, ди кыз. Кабызып караган идем, машина тавыш-тынсыз кабынды, кузгалып киттек. Соңыннан танышым миңа җыен тузга язмаган әйберләр сөйләп барды. Имеш, машинам горур холыклы. Аңа кычкырып дәшәргә ярамый, сүгәргә ярамый. Аны назлап кына торырга кирәк. "Машиналар бит хатын-кыз кебек. Берсе - барысына да түзә, ташлап кына китмәсен, икенчесен яратырга һәм хөрмәт итәргә кирәк, шул вакытта гына ул синең өчен барысын да эшләр. Сиңа машинаның менә шундые туры килгән. Беренче мәртәбә нидер барып чыкмагач, син аны нык үпкәләткәнсең, ул сиңа шуны гафу итә алмый. Син гафу алыр өчен тырышырга тиешсең. Аңа бит күп тә кирзк түгел - бер яхшы сүз!"
Әлбәттә, мин рәхәтләнеп көлдем. Тик машина белән икәүдән икәү калгач, әйттем үзенә: "Син миңа үпкәләмә инде, дустым, холкым начар, телем әшәке. Тик сине башка рәнҗетмәм дип сүз бирәм, ләкин син дә минем теңкәмә тимә. Бергә булыр өчен, бер-беребезгә юл куярга кирәк".
Иртән гаражга килү белән исәнләштем, салонга утырып хәл-әхвәлләрен сораштым. Шуннан бирле тату яшибез. Мин аны юкка-барга ачуланмыйм, ул да миңа "этлек" ясамый.
Хатын-кызлар белән дә хәзер башкачарак сөйләшәм. Өйләнеп тә алдым. Югыйсә беренче хатын белән аерылышкач, биш ел буйдак килеш йөрдем.
Сезгә көлкедер инде. Ләкин чын дөресе шул.
Бәләкәчләргә 2 миллиард 772 миллион сум бирәләр
Бәләкәчләргә 2 миллиард 772 миллион сум бирәләр
Бүгенге көндә Татарстан буенча 25 меңнән артык сабый балалар бакчасына чиратта тора. Шуларның 15 меңе - Казан балалары. Чираттагы сабыйларның җиде меңнән артыгына 3 яшь тулган. Башкалада 3-7 яшьлекләр биш меңнән арткан.
Агымдагы елда «Бәләкәч» дип аталган президент программасы нигезендә 51 яңа балалар бакчасын ачарга һәм булганнарында өстәмә 128 төркем булдырырга җыеналар. Әгәр дә җитәкчелекнең бу нияте тормышка ашса чиратта торучы 10800 балага бакчага бару мөмкинлеге туачак. Бәләкәчләр чиратын киметү максатында файдалану өчен республика бюджетыннан 2 миллиард 772 миллион сум акча бүлеп бирелгән.
Татарстан мәгариф һәм фән министры Альберт Гыйльметдинов сүзләренә караганда, социаль ипотека программасы кысаларында төзелә торган йортларның беренче катлары мәктәпкәчә яшьтәге балалар учрежденияләренә биреләчәк.
Дәүләт тарафыннан әнә шундый җитди чаралар күрелгәч, 3 ел эчендә сабыйлар чираты бетәр дип фаразлана.
Безнең маркалар иномаркаларны "җиңәчәк"
Шулай да, аналитиклар фикеренчә быел Россия автомобиль базарында үсеше 31,5% ка якын булачак. Моңа ныклы нигез дә бар, ел башында автомобиль салоннары клиентлар белән тулы иде, күпләр яңа машна хуҗасы булдылар.
Агентлык экспертлары бәяләвенчә 2011 елда Россиядә 2,5 млн. җиңел һәм җиңел коммерция автомобильләре сатылачак (2010 елда бу күрсәткеч 1,9 млн. иде).
Россия автобазарының сыйфат бәяләмәсе дә үзгәрер дип көтелә. Чит илләр машиналары сату кимиячәк, ә шуның исәбенә Россия территориясендәге чит ил конценрнары тарафыннан җитештерелгән машиналарны сатып алу артачак.
Быел Россия машиналары 680 меңгә якын, “безнең маркалар” (“нашемарки”) 880 меңгә кадәр, ә чит ил автолары 790 мең данә сатылачак дип фаразлана.
Россиянең автомашина базарының алты проценты "Тойота"да булачак
2010 елда Toyota Россия сатып алучыларына яңалыкларын да тәкъдим итте. Алар – теләсә нинди юлда йөри алучы зур күләмле Toyota Highlander, Toyota Hilux пикабы, дизель двигательле Toyota Land Cruiser Pradoның, һәм Toyota Corolla, Toyta RAV4 һәм Toyota Aurisның яңартылган төрләре.
“2010 ел Россия икътисадының, аерым алганда автомобиль базарының аякка басу елы булды. “Тойота Мотор” “Toyota” автомобильләрен 2009 ел белән чагштырганда 15% ка күбрәк сатты. 2011 елда Россиядә безнең машиналар 2,3 миллион тирәсе сатылыр дип фаразлыйбыз. Быел Россия икъсады нык темплар белән үсеш алганлыктан, автобазар да җайланыр. Моңа үтилләштерү буенча дәүләт программасы да кабул ителүе, автобазарда кредит системасының камилләшүе дә автомобильләрне тагын да күбрәк сатуга уңай йогынты ясаячак. Быел 115 мең Toyota автомобиле үз хуҗаларын табырлар дип уйлыйбыз. Безнең бәяләүләр буенча быелгы елның ахырында Toyota продукциясе Россия автомобиль базарының 6% ка якынын тәшкил итәчәк”, дип белдерде “Тойота Мотор” концерны президенты Такеши Исогая.
