Чемпионат дәвам итә! Ботка пешә тора!
Казанда Туплы хоккей буенча дөнья чемпионаты дәвам итә. "А" төркемендә Россия җыелма командасы Казахстан командасын 7:2 /2:1/ исәбе белән җиңде.
Россиялеләрне "тукмаган" финнар исә тагын бер җиңүгә иреште: Норвегия командасын "коры" 9:0 исәбе белән җиңде, АКШ командасы шведларга 8:1 исәбе белән оттырды.
"Б" төркемендә Голландия җыелма командасы Канада командасына 2:4 исәбе белән оттырды, Латвия командасы Венгриянекен 3:4 исәбе белән җиңде.
Бүген "А" төркемендә АКШ - Норвегия, Казахстан - Финляндия, Россия - Швеция уеннары узачак. "Б" төркемендә: Голландия - Латвия, Белоруссия - Венгрия уйнаячак.
Казанлылар уеннарга бик йөрмиләр, шөңа күрәдер инде стадионнарга килгән җанатарларга итле ботка пешереп ашаталар икән!
