Хатын-кызларның, бигрәк тә яшьләрнең бала төшерүе табибларны гына түгел, хәтта депутатларны да борчуга сала. Рәсми мәгълүматлар буенча, 2010 елда 1000 хатын-кыз арасында 22,58 процент аборт, ягъни бала төшерү очрагы теркәлгән. Узган ел шәһәрдә 13 меңнән артык хатын-кыз балага узган. Шуларның бары 47,8 проценты гына исән-имин бала тапкан. Яңа туган балаларның 40 процентының сәламәтлегендә төрле кимчелекләр табылган.
