Киң диапозонлы, лирик сопрано тавышына ия булган җырчы, Татарстанның халык артисты Лидия Әхмәтова исемен Татарстанда гына түгел, ә чит өлкәләрдә гомер итүче милләттәшләребез дә яхшы белә. Югары музыкаль белемле бу җырчы сәхнәдә үз-үзен тотышы, килеш-килбәте белән аерылып тора. Лидия - татар хатын-кыз актерларының хыялы булган Галиябану ролен дә башкарган бәхетле артистларыбызның берсе. Педагогика фәннәре кандидаты Лидия Әхмәтованың 19 мартта Казан шәһәрендә Г.Тукай исемендәге татар дәүләт филармониясенең концертлар залында зур концерты узачак.
Тулысынча укырга: "Лидия Әхмәтова: “Җыр-моңнан башка тора алмыйм...”
