2011 елның модасы артык күпне таләп итми. Яз һәм җәй кышкы моданың төп юнәлешләрен дәвам итә. Быел модада ачык, якты төсләр, гадәти булмаган фактура һәм бизәкләр (мәсәлән, перфорация), төрле аксессуарлар (мәсәлән, бантлар), нәфис образлар.
Күпчелек стилистлар һәм мода өлкәсендәге белгечләр фикеренчә, 2011 елның яз-җәендәге кебек якты, күз явын ала торган, нәфис сезонның булганы юк иде әле. Быелгы сезонның төп өстенлекле юнәлеше — төрле төслелек һәм яктылык. Киң палитралы төсләрдән һәркем үзенә охшаганын һәм килешкәнен сайлап алырга мөмкин. Бу төрле форма һәм фактурага да кагыла. Быелгы моданың тагын бер үзенчәлеге — романтизм, формаларның йомшаклыгы һәм салмаклыгы. Димәк, линияләрнең геометрик ачыклыгы һәм төгәллеге белән хушлашырга вакыт җитте.
Габдулла Тукай
2011 елның язы — ачык төсләр һәм нәфислек
